تجربتي مع مزيل البيودرما المائي Bioderma H2o Review

من فترة اكثر من ستة اشهر وانا بحاول على قد ما أقدر انو تكون عنايتي بنفسي وخصوصا ببشرتي تكون عناية طبيعية بنسبة كبيرة, خصوصا ازالة المكياج وغسيل الوجه وغيره من امور العناية الاساسية في نظافة الوجه والبشرة, بالعادة بزيل المكياج بطريقة تنظيف البشرة بالزيت وانا افضل زيت الزيتون مع زيت الخروع, وهالطريقة جدا ناسبتني والحمد لله جدا مرتاحة عليها وما بفكر حاليا اغيرها او استبدلها في الوقت الراهن.

لكن في بعض الأحيان أحتاج الى طريقة اسرع واخف خصوصا لو بدي ازيل المكياج مشان اضع غيره وعندي مشوار ووقتي ضيق , طبعا فكرة اني ارجع لمنظفات المكياج اللي بتكون Milk كانت فكرة مستبعدة عندي, لأن دائما احس بشرتي بعدها غير مرتاحة ومتحسسة منها, خصوصا انو نزيل المكياج بمزيل مكياج قوي ثم نستعمل الغسول واحس هالشي ازا تكرر باليوم اكثر من مرة جدا مرهق للبشرة ومتعب الها , لكن الحمدلله جربت المنظف المائي من البيوديرما Bioderma H2o , تشجعت جدا استمر عليه لكن وقت الحاجة اله فقط ومو بشكل مستمر , مشان هيك حبيت اعرض لكم تجربتي معه.

في البداية انا استخدمت اللي لونه زهري الموجود في الصورة ( الصورة من النت ),  وهو مخصص للبشرة الحساسة اكثر,

 هو مثل الماء بالزبط ما اله ريحة او لون مميز, اضع منه شوي على قطنه واشيل فيه الميك اب من على وجهي ثم ازيل مكياج العيون والمسكارا والروج, وبصراحة يجعل البشرة نظيفة خالية بنسبة كبيرة من اي اثار للمكياج, وبسرعة كبيرة, ما بغسل وجهي بعده بأي غسول كان , على طول اضع المكياج الاخر وانا مرتاحة اني ما أرهقت بشرتي.

رائع جدا في ازالة مكياج العيون والمسكارا والكحل , احلى مزيل مكياج تجاري , اقتصادي لأن كمية صغيرة منه جدا كافية في تنظيف كامل الوجه.

متى احتاج الى مزيل مكياج المائي من بيودرما:

• في حالة بدي ازيل المكياج وبدي احط مكياج من جديد وعندي مشوار اخر مستعجل وما بدي ارهق بشرتي بتنظيفها اكثر من مرة باليوم بطريقتي الطبيعية.
• في حالة تعديل المكياج, يعني لو غلطت في رسم الاي لاينر, بعدله بسهولة.
• في حالة لما اكون تعبانة او مريضة, استعمله افضل من اني انام بدون تنظيف  المكياج.

 بإختصار هو بطلي في حالات الطوارئ فقط.....

لزيارة الفهرس او لمتابعتي على تويتر او موقع التواصل المفضل لديكم من هنا >> صديقات المدونة  وايضا تجدوا فيه لينك الفهرس لتعرفي اكثر عن عنايتي الداخلية والخارجية الطبيعية لبشرتي او شعري او صحتي.